Vitamina
Vaji i ullirit përmban vitaminat e tretshme në yndyrë A, D, E dhe K. Disa nga këto vitamina mund të jenë të dobishme për lëkurën.
Përdorimi
Sigurisht, vaji i ullirit është ende një ushqim i pasur me kalori, kështu që basti juaj më i mirë është ta përdorni atë për të zëvendësuar yndyrnat më pak të shëndetshme në dietën tuaj.
Vlerat ushqyese
Vaji i ullirit është tepër ushqyes dhe asnjë vaj tjetër gatimi nuk krahasohet për sa i përket aromës dhe përfitimeve shëndetësore.
Ekspericenca
Receta
Salce Venigret
Zakonisht kjo salcë përdoret te sallatat. për t’i marinuar dhe për t’i dhënë shije. Kjo Salcë duhet të ketë ekuilibër mes vajit të ullirit dhe lëndëve të tharta, si: limoni e uthulla. Përdoret dhe për të marinuar peshkun ose mishin. Në variantet e saj mund të zëvëndësojë disa nga salcat e rënda.
Përbërësit: Vaj ulliri 800ml, lëng limoni ose uthull 100ml, majdanoz 200g, hudhër 50g, kripe e piper
Pergatitja: Grijmë majdanozin hollë, hudhrën në rende dhe i bashkojmë me vajin e ullirit, me lëngun e limonit dhe me kripën e piperin. Kjo salcë e përgatitur përdoret kryesisht në sallata dhe, në disa raste, edhe në produkte skare.
Ragu Bolonjeze
Ragu Bolonjeze është një gatim tipik i krahinës së Emilias në Itali. Në versionin origjinal të saj nuk përmban domate dhe është një gatim shumë i yndyrshmëm, por me kalimin e viteve është bërë një gatim më i lehtë. Raguja bolonjeze është një nga salcat më të njohura në kuzhinë dhe përdorimi i saj është i ndryshëm: zakonisht është bazë te pastat e te lazanjat, si dhe te gatimet me mbushje.
Përbërësit: Mish i grigë 600g, Qepë 100g, Karotë 100g, Selino 80g, Verë e kuqe 200ml, Vaj ulliri 120ml, Koncentrat domateje 150ml, Dafinë 2-3 gjethe, Kocka mishi 500g, Buljon 500ml, Kripe e piper.
Përgatitja: Në vaj ulliri kuardisim: qepën, karotën, selinon, mishin e grirë. Pasi të jenë gati i shuajmë me verë të kuqe, shtojmë koncentratin e domates, dafinën, buljonin. E rregullojmë salcën me kripë dhe piper, vëmë kockën dhe e lëmë të ziejë 2-3 orë në zjarr të ngadaltë. Kjo salcë përdoret në të gjitha llojet e pastave dhe në mbushjen e perimeve.
Salcë majoneze
Salcë kremoze, me shumë shije dhe delikate, kombinohet mjaft mirë me shumë receta si mishi i ftohtë, peshku, friturat, krustacet etj…
është një salcë e ftohtë nga më të përdorurat në kuzhinë dhe derivatet e kësaj salce janë të shumta, në varësi të produktit bazë që do të shoqërojmë.
1. Ajoli: është një majonezë me hudhra të grira shumë imët bashkuar me salcën bazë. është e përkryer për të shoqëruar peshkun e ngrohtë apo të ftohtë, si dhe perimet.
2. Rouille (majonezë pikante): salcës ajoli i shtojmë shafran dhe spec djegës; shoqëron mjaft mirë perimet, supera peshku, etj…
Përbërësit: Vezë (të verdhat) 4 kokrra, Vaj ulliri 800ml, Lëng Limoni 20ml, Kripë
Përgatitja: Të verdhat e vezëve i ndajmë me kujdes nga të bardhat, i hedhim në një enë porcelani ose inoksi, i shtojmë kripë, lëng limoni dhe i punojmë me telin me të cilin rrahim vezët. Shtojmë vajin e ullirit si një fije peri duke vazhduar t’i rrahim vazhdimisht dhe pasi salca të jetë lidhur shtojmë sasinë e dukur të kripës. Vaji duhet të ketë temperaturën 12-16°C dhe majoneza mundësisht të punohet në mjedis të freskët.
Salcë Napoletane
Në disa variante të kësaj salce mund të përdorn dhe domatet e freskëta, gjithmonë duke i hequr farat dhe lëkurën, që shija e saj të jetë më delikate.
Përbërësit: Domate pelte 1L, Borzilok 20g, Hudhër 50g, Vaj ulliri 100g, Spec djegës, Kripë
Përgatitja: Në vaj ulliri kaurdisim hudhrën dhe specin djegës të grirë hollë, shtojmë domaten pelte, borzilokun dhe në fund shtojmë kripë dhe piper. Variant i kësaj salce është dhe salca në të cilën shtohet vetëm sasia e specit djegës. Këto salca përdoren në pasta.